ʼn Kettingwinkel in Nieu-Seeland moes dringend veranderinge maak aan sy resepte-app wat deur kunsmatige intelligensie saamgestel word ná dit moontlike dodelike aanbevelings gemaak het. Die Savey Meal-bot van Pak’nSave stel kosplanne of resepte voor wanneer kliënte ʼn lys van bestanddele verskaf. Gebruikers het egter vinnig ontdek dat die bot ook items, wat nie kos is nie, by die resepte kan byvoeg. Dit het tot bisarre resepte gelei.
