Die Red-‘n-plaas, Red-‘n-Gemeenskap Camino vind plaas vanaf 6-12 April 2024 in die Victoria-Wes distrik. Die Camino strek oor 7 dae waar stappers ‘n afstand van 139 km gaan aflê. Kom stap saam met ongeveer 100 ander stappers.
Voornemende stappers word aangemoedig om onmiddelik in te skryf siende daar slegs plek vir 100 stappers is. Ons moedig voornemende stappers aan om hul deelname aan die camino te gebruik om fondse in te samel vir die rampfonds.
Inskrywings kan gedoen word op die webwerf van Tankwa Camino.
VIRTUELE STAP
Ons daag oud en jonk uit om deel te wees van die Virtuele Stappers Gemeenskap.
Kerke, Skole, Besighede, Aftreeoorde, Sportklubs, individue en soveel meer kan saam stap, of jy nou in Brakpan, Kaapstad of Duitsland bly.
Almal is welkom om saam te stap, of selfs met ’n fiets of rolstoel te ry – op jou plaas, om jou Kerk, skool of sommer by die straat af.
Enige persoon kan deel raak van hierdie inisiatief om sodoende fondse in te samel vir rampe in die Noord-Kaap.